شارك
زاد عدد اللي يسّوقوا منتجاتهم وشركاتهم من خلال وسائل التواصل الاجتماعي مع زيادة عدد الناس اللي تستخدم هذه المواقع، وحسب الإحصاءات الأخيرة، كانت المملكة المركز السابع بين أكثر دول العالم في تصفح منصات التواصل الاجتماعي اللي يستخدمها أكثر من 75% من سكان المملكة، يعني حوالي 25 مليون شخص. بغض النظر عن المنتج اللي تسوقه أو الشريحة اللي تستهدفها، راح تساعدك وسائل التواصل الاجتماعي في التسويق وزيادة مبيعاتك. وعشان تعرف أكثر عن هذا الموضوع، وضحنا في النقاط الجاية ايش الأشياء اللي ممكن تسويها في وسائل التواصل الاجتماعي.
دور مواقع التواصل الاجتماعي في نجاح استراتيجية التسويق
1. تزيد زوار موقعك وتروّج اسمك التجاري
لما تنشر محتوى عن منتجاتك وعلامتك التجارية في وسائل التواصل الاجتماعي بأي شكل فهو راح يستهدف بعض عملائك الحاليين والمحتملين. يعني إذا كنت تقدم خدمة أو منتج على الإنترنت راح يوصل عملائك لصفحات وصف المنتج ويبدوا يشتروا وهذا يعطيك فرصة تشرح ميزات منتجك وليش وكيف يستخدمونه بمحتوى سهل وبسيط؟
2. تفهم سلوك الشريحة اللي تستهدفها
أهم سبب يخلي قنوات التواصل الاجتماعي مثل تويتر وانستقرام كأدوات تسويق فعالة هو إنك تتفاعل وتجذب العملاء لما تقرا تغريداتهم وتعرف ايش اللي هامهم ومشغل بالهم وترد عليهم. هذا يساعدك على إنك تفهم عملائك بشكل أفضل ويصير عندك إحصاءات وبيانات عن حاجاتهم وسلوكهم الاستهلاكي. ويصير عندك إجابات على أسئلة مثل: ايش المنتجات اللي يشتروها وليش؟ وايش هواياتهم؟ وايش أنواع المشاركات اللي يحبوا يشاركوها مع اصدقائهم؟ وايش المواقع اللي يزوروها؟ مثل هذي الأفكار راح ترجع عليك بفوائد تسويقية وتساعدك في تحديد نقاط ضعف منتجك وكيف تقدر تحسنه وتطور الخدمات اللي تقدمها.
3. تبني علاقة جيّدة مع العملاء
أكثر اللي يستخدموا مواقع تويتر وانستقرام وسناب شات يشوفون إنها شبكات اجتماعية وليست وسائل لترويج حملات تسويقية. وهذا يعتبر تحدي، لما تبي تسوي استراتيجية تسويق في الشبكات الاجتماعية. لما تتفاعل مع متابعينك وتسمع آرائهم وتجاوب على أسئلتهم وتنشر الحاجات اللي تفيدهم ولها علاقة بمنتجاتك، راح تقدر تبني علاقة قوية بين العلامة التجارية لشركتك وعملائها والمتابعين. وهذا يزيد فرصة إنك تروج منتجاتك مجاناً لما ينقلوا العملاء والمتابعين تجاربهم مع المنتجات أو الخدمة أو حتى المشاكل اللي واجهوها وأنت تقدم حلول لهم. مع الوقت يصيروا العملاء المحتملين متابعين، ويصير المتابعين عملاء، والعملاء يصيروا مروجين لعلامتك التجارية.
4. تحسّن خدمة العملاء
وقت الاستجابة السريع صار شي غير قابل للنقاش. إذا كانفيه مشكلة في منتجك أو خدمتك، فتأكد إن العملاء يتوقعون منك إنك تحلها في أسرع وقت لكن قليلة الشركات اللي تكون فعلاً عند هذي التوقعات. إذا صار عندك تسويق قوي ومشترك في وسائل التواصل الاجتماعي راح يساعدك على إنك ترضي عملائك، وتحافظ على صورتك العامة. ويصير عندهم ولاء لعلامتك التجارية. والسبب واضح جداً: لأنك تتفاعل مع الجمهور على الشبكات الاجتماعية، وتقدم لمتابعينك المعلومات المفيدة والمساعدة بدون ما تطلب شيء في المقابل. وهذا يحسس العملاء إنك تقدرهم، واهتمامك بهم أكبر من مجرد إنك تبيع خدمة أو منتج.
5. تسوي حملات ترويج
من الأشياء المميزة اللي تقدمها منصات الشبكات الاجتماعية هي الإعلانات اللي تقدر تخليها خاصة بشريحة معينة من العملاء. مثلاً، تقدر في إعلانات تويتر تستهدف العملاء على حسب العمر والموقع ومستوى التعليم والتخصص وحتى سلوك المستخدم (مثل التغريدات اللي يسوي لها لايك/إعجاب).
مدونات أخرى
خط رفيع بين الريادة والقيادة
لا بد أن تشعر بالقلق كرائد أعمال، وهو شعور مهم في المعادلة لأنه يجعلك متنبّهاً لكل ما يدور حولك ومترصّداً في ميدان تدخله للمرة الأولى. لكن بالرغم من حتمية هذا القلق، إن لم تسيطر عليه أنت، يسيطر هو عليك. فلا يكفي أن تكون رائداً، بل يجب أن تكون قائداً أيضاً، تحديداً عندما لا تبقى رؤيتك قائمة عليك وحدك بل تبدأ مرحلة التوظيف.
5 حلول لصمود الشركات الناشئة في وجه الكورونا
الكورونا ما صار وباء نتكلم فيه عن أعبائه الصحية وبس، فهو ما زال ينتشر حتى صرنا نتكلم عنه كوباء مالي ينهش اقتصاد العالم ويصيب أولاً أصحاب المناعة الأضعف، بمعنى روّاد الشركات الصغيرة والمتوسطة اللي بدأت مشوارها في الفترة الأخيرة بالسوق.
هل تدير المواهب أو الموارد البشرية؟
لنبحث عن السبب. هل يحبّون عملهم لهذه الدرجة؟ أم أنك تطلب منهم ما يفوق طاقتهم؟ ربما كل ما في الأمر أنّ إنتاجيتهم انخفضت في الفترة الأخيرة، وقد لا تكون أي من هذه الاحتمالات صحيحة. ماذا لو أنجزوا أعمالهم لكن يتعمّدون إظهار الالتزام والجدّية حتى لا يخسروا وظي
دور مواقع التواصل الاجتماعي في نجاح استراتيجية التسويق
أحدث المدونات
